Bakı Dövlət Universitetinin 105 illik yubileyi çərçivəsində SABAH qruplarının 10 illiyinə həsr olunan təqdimat keçirilib. 

Tədbirdə çıxış edən BDU-nun tədrisin təşkili və təlim texnologiyaları üzrə prorektoru Fərda İmanov Universitetin 105 illiyi çərçivəsində SABAH qruplarının təqdimatının keçirilməsinin hesabatlılıq baxımından faydalı olduğunu vurğulayıb. BDU SABAH mərkəzinin rəhbəri Səbinə Ömərova isə çıxışında SABAH qruplarının fəaliyyəti haqqında qısa məlumat verib.

Daha sonra BDU SABAH qruplarının videoçarxı təqdim olunub. 
Tədbirdə çıxış edən BDU SABAH-ın uğurlu məzunları Günay İmanzadə, David Poladov və Kamran Qasımov SABAH qruplarında təhsil almağın üstünlüyündən danışıblar və tələbələrə gələcək fəaliyyətləri üçün öz tövsiyələrini veriblər.
Ardınca 2024-2025-ci tədris ili üzrə BDU SABAH qruplarına ən yüksək nəticə ilə qəbul olmuş Biotexnologiya ixtisasının II kurs tələbəsi Ziyad Məmmədcanov çıxış edib.