SABAH tələbələri üçün “İqlim dəyişikliyi hər birimizin məsuliyyətindədir” mövzusunda esse müsabiqəsinin mükafatlandırma mərasimi keçirilib.

Qeyd edək ki, təqdim olunan elmi və bədii yazılar “Müasir ekoloji problemlər”, “İqlim Dəyişmələri” və “Yaşıl dünyaya töhfəmiz” mövzularını əhatə etmiş və münsiflər qismində olan f.ü.f.d, dosent Məti Osmanoğlu, b.ü.f.d Sevda Tahirli, f.ü.e.d. Elmira Məmmədova-Kekeç və BDU Coğrafiya fakültəsi Hidrometeorologiya kafedrasının müəllimi Anar Nuriyev tərəfindən qiymətləndirilimişdir.

Yekun nəticəyə əsasən, ilk üç yerin sahibi Azərbaycan Dövlət Pedaqoji Universitetinin (#ADPU) tələbələri Gülçin Cəfərli (I yer), Səbinə Əhmədova (II yer) və Zeynəb Səmidova (III yer) olmuşdur. 

Eləcə də, təqdim olunan məqalələr arasında ilk 10-luğa düşən Qarabağ Universitetinin tələbəsi Çinarə Quliyeva, Bakı Dövlət Universitetinin (#BDU) tələbəsi Züleyxa Əliyeva və Azərbaycan Dövlət Neft və Sənaye Universitetinin (#ADNSU) tələbəsi Aytən Əliyeva xüsusi nominasiya üzrə təltif olunmuşdur.
Bakı Dövlət Universitetinin ev sahibliyi etdiyi tədbirin sonunda qaliblərin hər biri diplom və hədiyyə ilə mükafatlandırılmışdır.