SABAH qrupları Azərbaycan Dövlət Mədəniyyət və İncəsənət Universitetinin (ADMİU) Aktyor sənəti ixtisasının tələbələri Vilyam Şekspirin məşhur “Yay gecəsində yuxu” əsəri əsasında hazırladıqları tamaşa ilə Gəncə Dövlət Milli Dram Teatrının səhnəsində çıxış ediblər.

Tədbir Gəncə Dövlət Universitetinin təşkilati dəstəyi ilə baş tutub, Azərbaycan Texnologiya Universiteti və Gəncə Dövlət Regional Kollecindən nümayəndələrlə yanaşı, professor-müəllim heyəti, tələbələr və geniş ictimaiyyət tərəfindən izlənilib.

Tamaşa boyu gənc aktyorlar klassik əsərin özünəməxsus interpretasiyasını təqdim edərək tamaşaçıların alqışını qazanıblar.

Qeyd edək ki, tədbir SABAH İncəsənət Festivalı çərçivəsində keçirilib və regionlarda incəsənət mühitinin canlandırılması, teatr sənətinin inkişafı, teatr mədəniyyətinin formalaşdırılması, həmçinin yaradıcı gənclərin dəstəklənməsi məqsədlərinə xidmət edib.