Macar professorlar Annamariya Sizer (Annamaria Csiszer) və Corc Aqoston (György Ágoston) SABAH tələbələrinə “Əmək bazarı” fənnini tədris ediblər. İki günlük tədrisin sonunda tələbələr imtahan veriblər.
Aprelin 21-də professor Corc Aqoston (György Ágoston) tələbələrə Dunaujvaros Universiteti barədə təqdimatla çıxış edib.Professor tələbələri Erasmus+ proqramı barədə də məlumatlandırıb. Tədbirdə hər iki universitet arasında birgə əməkdaşlıq məsələləri barədə fikir mübadiləsi aparılıb.
Tədbirin sonunda imtahanı uğurla verən SABAH tələbələrinə sertifikatlar təqdim olunub.
Qeyd edək ki, UNEC-lə Dunaujvaros Universiteti arasında birgə elmi təqdiqat işlərinin aparılması və beynəlxalq əməkdaşlıq məqsədilə Erasmus+ müəllim mübadilə proqramı çərçivəsində müqavilə imzalanıb. Müqaviləyə əsasən, UNEC-in iki müəllimi mübadilə proqramı çərçivəsində Dunaujvaros Universitetində dərs deyəcək.