SABAH qruplarında tədrisi aparmaq məqsədilə professor-müəllim heyəti üçün elan

Azərbaycan Respublikası Təhsil Nazirliyinin SABAH Qruplarında 2017 / 2018-ci tədris ilinin Payız semestrində müxtəlif fənnlərin tədrisini aparmaq üçün professor-müəllim heyəti və mütəxəssislərin işə qəbulu ilə əlaqədar müsabiqə elan olunur.

Müsabiqədə iştirak üçün son müraciət tarixi – 14 sentyabr, 2017-ci ildir.

Müraciət üçün namizədlərə tələblər:

• Əlaqədar sahədə Magistr və daha yüksək elmi dərəcənin olması;

• Müvafiq fənn üzrə biliklərinin yüksək səviyyədə olması;

• Müraciət etdiyi fənn üzrə müasir ədəbiyyat və elmi yeniliklərdən xəbərdar olması;

• Müasir pedaqoji yanaşmalardan xəbərdar olan;

• İnnovativ tədris metodlarından istifadə edə bilməsi;

• İKT-ni tədris prosesində yüksək səviyyədə tətbiq edə bilməsi;

• Hərtərəfli dünya görüşünə malik olması;

• Dinamik, pozitiv və ünsiyyətcil olması.

Professor-müəllim heyətinin öhdəlikləri:

• Ali təhsilin bakalavr səviyyəsində müvafiq fənlər üzrə keyfiyyətli tədrisin aparılması;

• Müvafiq fənn üzrə tədris kursu sillabusunun hazırlanması;

• Tələbə biliyinin obyektiv və vaxtında qiymətləndirilməsi;

• ATM-lərin daxili intizam və sənədləşmə qaydalarına riayət edilməsi.

Göstərilən tələblərə cavab verən namizədlərdən aşağıdakı müraciət formasını doldurmaq xahiş olunur. Seçim zamanı müvafiq sahə üzrə ali təhsil müəssisəsində tədris təcrübəsi olan, Fəlsəfə doktoru və Elmlər doktroru elmi dərəcələrinə malik olan və xaricdə ali təhsil almış namizədlərə üstünlük veriləcəkdir.Hər bir namizəd ixtisasına uyğun vakant yerlər üzrə ən çoxu 2 (iki) fənn üçün müraciət edə bilər.

Müvafiq fənnlər üzrə vakant yerlərin siyahısı müraciət formasına daxil edilmişdir.